Shayari | Latest Shayari

Shayari | Latest Shayari  

شاعری

مِرے حق میں یا مخالف کبھی کچھ کہا تو ہوگا

مجھے چھوڑ جانے والا مجھے سوچتا تو ہوگا

یہ اُداس اُداس پھرنا یہ کسی سے بھی نہ ملنا

ہے یُونہی نہیں یہ سب کچھ کوئ سانحہ تو ہوگا

مِرا دُکھ یہی ہے شاید کہ میں سب کو جانتا ہوں

وہ جو مجھ کو جانتا ہے اسے کچھ گِلہ تو ہوگا

نہیں اس میں کوئ منطق ہے یقیں کی بات ساری

کہ جہاں رکھا ہے پاؤں وہاں راستہ تو ہوگا

کوئ درمیاں نہیں تھا کوئ درمیاں نہیں ہے

تو پھر ایسی قربتوں میں کہیں رابطہ تو ہوگا

اُسے لوگ پُوچھتے ہیں مِرے شعر کے معانی

جو بھی جانتا ہے اس کو مجھے جانتا تو ہوگا

Tags:

Best Shayari

Urdu Ghazal

Sad Poetry

Love Poetry